මාකටින් & ලංකාවේ ඇඩ්

හැමෝටම සුභ පැතුම් වලට ස්තුති කරන ගමන් පොඩි දැකපු අහපු දේවල් පොඩ්ඩක් ඔයාලා එක්ක බෙදාගන්න ඕනා කියලා හිතුවා.. ඒත් ඔයාලටත් මේක මේ විදිහටම දැනේනවද කියලා බලන්නකෝ....

අද මම කතා කරන්න හිතුවේ මාකටින් ගැන (කොටස් වෙළද පලක් වත් ඉන්සුවරන්ස් වත් නම් නෙමේ)

මේක උනේ සෙනසුරාදා උදේ මට පොඩිදෙයක් ගන්න ඕන වෙලා මම ටවුන් එක පැත්තේ පොඩි රවුමක් දැම්ම.

එක ශොප් එකකට ගොඩ වෙලා (මල්ලි කෙනෙක් උන්නේ ) මම මට ඕන කරන දේ තියනවද කියලා ඇහුවා... මැන් ඉතින් මුනවත් නොබලා නැ කිවා.. මම ඇහුවා ඉතින් මල්ලි කොහේ හරි මේ දේ ගන්න තියෙන්නේ කියලා....මැන් සද්දයක් නැ.... ඔන්න මිනිහගේ මාකටින්...

දැන් ඉතින් මට ඕන කරන දෙයක් ලොකේ වෙන කොහෙවත් නැ ඕකේ විතරමයි කියලා කිව්වත් මම ආයේ ඕකට යයිද??? මම දන්න කියන කෙනෙක්ට මගෙත් එක්ක යනකොට මම ඕකට යන්න එපා ආයේ කියලා නොකියයි කියලද??

ඇත්තටම ජිවිතේ කවදාවත් මට නම් එ තැනට ආයේ යන්න හිතෙන එකක් නැතිවෙයි,.. පොඩ්ඩක් කිවා නම් අනේ අය්යේ මම නම් හරියටම තැනක් දන්නේ නැ කියලා මටත් සැටිස්... ආයේ දවසක යන්නවත් හිතෙයි..

මේ මම දන්න බැන්ක් එකට එන තවත් කස්ටමර් කෙනෙක් මගෙත් එක්ක කියපු කථාවක්.. මේක හාඩ්වෙයා එකක් කියලා කියමුකෝ... සමහර බඩු තියනවානලු ගොඩාක් ලොකු ලාභයක් තියා ගන්න ගානට වඩා රුපියලක්වත් නැහැලු ගන්න ගානටම දෙන්න වෙනවලු....
ඉතින් මම ඇහුවා ඇයි ඉතින් ඒවා සේල් කරන්නේ.. ඒවට යට කරන මුදල් අපරාදෙනේ කියලා..

එතකොට කියනවා ඒ දේ ගන්න එන මගේ කස්ටමර්ස්ලා එකෙන් මට සත පහකවත් ලාබයක් නැති උනත් ඒවා ගන්න එන අය අනිත් මට ලාබයක් තියන හැම දෙයක්ම ගන්න එන්නේ මගේ ලගට... ඉතින් මට ඒකෙන් ගොඩාක් ලාබයි..
ඉතින් ඒක නේද වෙන්න ඕනේ..

අර කලින් කිවා වගේ වෙන්නේ නැතුව අපි වැඩ කරනවානම් (සේලින් විතරක් නෙමේ ඕනම ‍රැකියාවකදි මේක වැදගත්) හැම දෙයක්ම සාර්ථකව කරගන්න පුලුවන් වෙනවාමයි

මම හරිනේ....

පොඩි ඇඩ් දෙකක් මේ ටයිප් කරන අතර තුරම දැක්ක නිසා ඒවාත් මේකට ගැවෙන නිසා ලියන්න හිතුනා...

ටිවි එකේ ඇඩ් දාන්නේ ඒ භාණ්ඩ විකුනගන්න මාකට් කරගන්නේ.. එත් මම මේ දැකපු ඇඩ් දෙක මොන හේතුවක්ද දන්නේ නැ මට නම් හිතුනෙම නැ මාකට් බවක්.....

1 . **නල් ඇඩ් එකක්.. අර සුරන්ගනා කථවක වගේ කැඩපතින් ලස්සනම හිනාව ගැන අහනවා
එතකොට කැඩපත අල්ලපු ගෙදර ලතාව ඇදලා ගන්නවා.. මල පනිනකොට ඔන්න මේකෙන් පුලුවන් කියලා ** නල් එකක් දෙනවා. හරි දත් සුදු උනා කියමුකෝ... ආයේ අහපුවහම අල්ලපු ගෙදර ලතාගේ හිනහව ලස්සනම දිප්තිමත් කියලා සති දෙකකට කලින් කිව එක වෙනස් වෙලා ගෙදර වැඩ කරන ගැනු කෙනාටත් ඒ ලස්සන් හිනාව තියනවලු නොනට වගේම....
එත් ලතාගේ හිනාව සති 2න් අතුරු දහන්.. සමහර විට වැඩක් නැ කියලා ලතා **නල් අත හැරලාවෙන්න ඇති.. ඔය වගේ බොලද ඇඩ් වලට අහුවෙනවද ඉතින්...

2. මේක අලුත් ඇඩ් එකක් මම හිතන්නේ ඇන්** කියලා කිරි එකක් රු 100 පැකට් එකක් ගැන .. මේක මාකට් කරන ලේඩි කියනවානේ දවස් 5කට සැහෙන්න එකක් රු 100 කියලා..එතකොට නෝමලි කියවෙන්න ඕනේ රුපියල් 100කට දවස් 5ක් පුලුවන් ද ඒක ගොඩක් ලාභයි වගේනේ.. මේකේ කියන්නේ:"රුපියල් 100ක්" කියලා අම්මෝ ගනන් වැඩි කියලා එයලා කියනවා වගේ මට නම් තේරුනේ...

තව ලංකාවේ මාකටින් ඇඩ් නම් ගොඩාක් අවුල ඒවා මම දැකලා තියනවා එත් මේ විනාඩි 5 ට 10ට දැකපු 2ක් තමයි මේ...

ලස්සන ඇඩ් නැතුවමත් නෙමේ.. ඒවා ගැන පසුවට