ජිවිතේදි ඔයාලා වංකද? එහෙමනම් මෙහෙම චාන්ස් මිස්වෙයි...

ජිවිතේට වැඩියෙන්ම වටින්නේ මොකක්ද කියලා ඔයාලාගෙන් ඇහුවොත් .............

එක එක උත්තර තියෙවි නේද?  ආදරවන්තයා , ආදරවන්තිය , ‍රැකියාව , මුදල් , ................... ඔය වගේ ගොඩාක් දේවල්

ඒත් ඔය ඔක්කොම වෙනුවෙන් වටින එක දෙයක් ඔයාලට මතක් වෙයිද කියලා නම් මට ඇත්තටම ප්‍රශ්නයක්...

ඔය ඔක්කොම වෙනුවෙන් අපි අවංක වෙන්න ඕනා නේද?

කෙල්ලට හරි කොල්ලට හරි අවංක නොවුනොත් එතන ප්‍රශ්නයක්....

රස්සාවට අවංක නොවුනොත් එතනත් ඔන්න ලොකු ප්‍රශ්නයක්... ඇත්තටම අවංක කම ජිවිතේට ගොඩාක් වැදගත්..

ඔයාලා හැමෝම 100%ක්ම අවංකද? මම නම් ඇත්තටම 100%ක් අවංක නැ.. මොකද සමහර තැන් වලදි අපිට වෙනවා පොඩ්ඩක් අවස්ථානුකුල වෙන්න... ඒත් කොයිම මොහොතකවත් වැරද්දක් කරන්න නම් මට ඕනේ නැ..

ඇත්තටම අද රටේ අවංක විමේන් දියුණු වෙන්න පුලුවන්ද?

මම අහලා තියෙන දැකලා තියන විදිහට එහෙම අවංක අයට වඩා ගොඩාක් ඉක්මනට අනිත් අය දියුනු වෙනවා...

ඉතින් එහෙම අවංක වෙන එකේ වැඩක් තියනවද?

ඒත් ඇත්තටම අවංක වෙන එකේ ගොඩාක් වැදගත් කමක් තියනවා....  මොකද අවංක නොවි දියුනු වෙන පුද්ගලයාගේ පැවත්ම තාවකාලිකයි..

ඒ වගේම අවංක විමෙන් අපිට ගොඩාක් දේවල් හම්බ වෙනවා.. මම කියවපු තැනක තිබුනු මේ කතාව මට මේ පොස්ට් එකට ගොඩාක් ගැලපෙනවා... බලන්නකෝ කියවලා

එක්තරා රටක රජ කුමාරයෙකුට ඕනා උනාලු තමන්ට ගැලපෙන විශ්වාසවන්ත ආදරය කරන කෙනෙක් තමන්ගේ බිසව විදිහට හොයාගන්න ඕනා උනාලු...

දැන් වගේ බ්ලොග් පොස්ට් දාන්න ඒ කාලේ විදිහක් තියෙන්න නැතුව ඇතිනේ.. ලංකාවේ වගේ අණබෙර ගැහුවද දන්නෙත් නැහැ... කොහොම කොහොම හරි හැමෝටම පණිවිඩේ දුන්නලු.

රාජ කුමාරිකාවෝ.. සි‍ටු දියණිවරු, රටේ සල්ලිකාර ලස්සන කුමාරිකාවරු ගොඩාක් මේ තොරාගැනිමට ඉදිරිපත් උනාලු..

මේ අතරේ රජ මාලිගේ සේවය කරපු කෙනෙක්ගේ දුවකුත් මේ රජ කුමාරයට හිතින් පෙම් කලාලු.. මේක ඒ තැනතියගේ අම්මාත් දැන ගෙන උන්නලු..

අම්මා ඇවිත් මෙහෙම දෙයක් තියනවා කිවහම දුවත් යන්න ලැස්ති උනාලු...

අම්මා දුවට කියනවාලු.. අනේ දුවේ මොකක්ද ඔය කරන්න හදන වැඩේ.. එතන ඉන්න අය එක්ක අපිට මොකක්ද තියන තත්වේ... නිකන් බොරුවට දුක් වෙන්න එපා ලමයෝ

නැ අම්මේ මම දුක් වෙන්නේ නැ... කුමාරයා එක්ක ඒ මොහොතවත් ලගින් ඉන්න ලැබෙන එක මට ගොඩාක් වටිනවා.. ඒ හින්දා මම යන්නම ඕනා කියලා මේ වැඩකාරකම් කම් කරන කාන්තාවගේ දුවත් මේ ‍තෝරගැනිමට ඉදිරිපත් උනාලු..

කුමාරයා හැමෝ එක්කම කතා කරලා ඉවර වෙලා හැමෝටම ලස්සනට මල් හැදෙන මල් ගහක බිජයක් දුන්නලු.. මාස 6කින් ලස්සනම මලකුත් එක්ක අරගෙන කෙනාට තමයි තමන්ගේ අග මෙහෙසිය වෙන්න පුලුවන් කියලා හැමෝටම එක ගානේ දුන්නලු...

අර කලින් කිව වැඩ කරන ගැහැනු කෙනාගේ දුවත් මේ ඇටේ පැල කරන්න හරි හමන් විදිහේ දැනුම නැති උනත් උත්සහ කලාලු..

කොහොම හරි මොනවිදිහේ කලත් මේ මාස 6 ඇතුලත ලස්සන මලක් තියා පුන්චි අංකුරයක්වත් මේ මල් පැලේ ආවේ නැහැලු...

මාස 6අ ගෙවිලා ඔය කියන දවස උදා වුනා,

අර ගැහැනු දරුවත් මලක් තියා පැලයක් වත් හැදිලා නැති මල් පොච්චියත් අරගෙන යන්න හදනකොට අම්මා අහනවලු මල් පැලයක්වත් නැතුව ගිහින් රාජ දඩුවම් අපහාස විදින්නේ නැතුව ගෙදරට වෙලා ඉන්න කියලා....

ඒත් මේ ගැනු දරුවා කියනවා අද විතරයි මට මෙහෙම කුමාරයා ගාවට යන්න වෙන්නේ.. ඉතින් මේ අවස්ථාව නැති කරගන්න මම කැමති නැ කියලා..

අනිත් හැමෝම ලස්සනට විශාල මල් හැදුනු මල් ගස් අරගෙන ඇවිත් තියනකොට මේ ගැනු දරුවා විතරක් හිස් පොච්චියක් තියාඅගෙන

අන්තිමේ කුමාරයා තිරනය කලා මේ වැඩකාර අම්මාගේ දුවව කසද බැදලා තමන්ගේ අග මෙහෙසිය කරගන්න...

හැමෝටම පුදුමයි... මේ තරම් ලස්සන මල් තියනකොට මේ මලක්වත් නැති කෙල්ලට කැමති උනේ ඇයි කියලා...

එතකොට කුමාරයා කියනවා මෙතන ඉන්න හැමෝගෙන්ම අවංකම කෙනා තමයි මේ.. මම දුන්නු එක ඇටයක්වත් පැල වෙන එවා නෙමේ නරක් උන කල් පැනපු ඒවා...

*****************************************************************************

ඉතින් ඔයාලාත් හැමදාම අවංක නොවි වැඩ කරනවද?