බිස්කට් මංකොල්ලය.. වැඩේ දෙල් වෙයි

ලගදි දවසක නිසුපා අක්කාත් හොරු ඇවිත් කියලා කථාවක් ලියලා තිබුනා මට මතකයි.. අද මේ මම කියන්නේ හොරු ආපු කථාවක් නම් නෙමේ... හොරෙන් පැනලා අහු වුන කතාවක්...

මතක ඇති නේද ඔයාලට අර ස්කෝල වල ලමයින්ට ලොකු මාරි බිස්කට් කන්න දිලා කොල කැද බොන්න දිපු යුගේ...

මේ ඒ මාරි නම් නෙමේ.. ඒවා දැන් දකින්න නැහැනේ

ඒ කාලේ උන දෙයක් තමා මේක...

මම මුලින්ම ගියපු පාසල ඇත්තටම ඕලෙවල් වෙනකන් විතරක් තිබුන ග්‍රාමිය පරිසරයක ඒත් පලාතේ හොද නමක් තිබුන පාසලක්...

දේවාගේ ටිකක් විතර නෝමල් චරිතයක් ඉතින්... ඒත් දේවාට උන්නා නාහට නාහන හොද යාලුවෝ ටිකක් සුප්පා... මබ්බා.. කුන්නා... පෙද්දා... ඔය කියන්නේ ඒ සෙට් එකෙන් මගේ ලගම උන්නු දෙතුන් දෙනෙක්...

අපේ ප්‍රින්සිපල්ගේ ඔ‍ෆිස් එකේ එක කාමරයක තමා ඉතින් ඔය ලොකු මාරි බිස්කට් පෙට්ටි ටික පැක් කරලා තිබුනේ.... ,

ඕවා බෙදන්නේ 11 වසරේ අය්යා ටිකක් හැමදාම අපිට දෙක තුනක් දිලා අය්යලා 15 , 20 ඕවා ගිලින අත්දැකිම් අපිට ගොඩාක් ඒ දවස්වල විදින්න වෙලා තිබුනා. මොනවා කරන්නද පැත්තකට වෙලා බලාන ඉන්නවා මිසක්...

මචන් හැමාදාම වෙන්නේ මේකමයි.. අපි දෙමුද ගේමක් සුප්පාගෙන් ආවා මහ පොර අයිඩියා එකක්...

අනේ මේ දැන් උබ හදන්නේ ප්‍රින්සිපල්ගේ රුම් එකට පනින්නද?? මබ්බාත් කථාවට හවුල් වුනා...

දේව් උබත් එනවානේ..උබ ආවහම වැඩේ ගොඩාක් ලේසියිනේ... මොකද ගේමක් නැතුව උබට ඕකට රින්ගන්න පුලුවන්නේ....

අනේ මේ මගෙන් මුකුත් අහගන්නේ නැතුව ඉන්නවද???

එහෙම කියලා හරියන්නේ නැ ඔන්න හෙට ගේම දෙනවා.... (අනේ මෙහෙමත් දුෂ්ඨ යාලුවෝ ටිකක්)

මෙහෙමයි වැඩේ වෙන්නේ.. සුප්පා පැලැන ඔක්කොමට කියනවා අපි අහගෙන ඉන්න්නවා..

කොහොමත් උදේට පන්තියේ නාම ලේඛනේ ගෙන්න යනවානේ ඔ‍ෆිස් එකට.... එතකොට ඔය කාමරේට යන්න දේව් ට පුලුවන්.. අපි ඉන්නවා ජනෙලේ ලග..

එතනට ගිහින් එක පෙට්ටියක් දෙකක් අපිට පාස් කරන්න.. අපි ශේප් එකේ කොස් ගහ ලගින් ගිහින් එතනින් විලෝ ගස් මැද්දෙන් පිට්ටනියේ කෙලවරේ උදේටම ඒ තරම් සෙට් එකක් නැනේ එතනින් බයිසිකල් මඩුවට පැන ගත්තාට පස්සේ කොහොමත් එතනින් එහා පැත්තේ අපේ පන්තියනේ.... කබඩ් එකේ දාපුවාහම නෝ කේස්නේ ( කබඩ් එක මතකයිනේ... අර කෙසෙල් හන්ගපු තැන)

පසුදා උදැසන....

දේව් වැඩේට සෙට්නේ....

අනේ මන්දා බන් මේකෙන් ගස් යන්නේ මමනේ...

ඒ ඉතින් අහු වුනොත්නේ... කියලා මබ්බා මාව ශේප් කරගෙන යවන්න තමා හදන්නේ...

ආහ් ඔය නායක පට්ටම ගලවලා සක්කුවේ දාගන්න... සුප්පාගෙන් උපදේසක්...

ඒ මොකද බන්  මට වගේම අනිත් අයටත් ප්‍රශ්නයක්..

අහුවුනොත් බන් ඒකයි.. ඔය පට්ටම් බැච් එක ඇතටත් පේනවා.. ඉතින් බැරිවෙලාවත් ඕක දැක්කොත් ඔවා තියන අය ස්කොලෙටම ඉන්නේ 11යි එකෙන් 6,7ක්ම පොඩි උන්... එතකොට ඉතිරි කියද???
වැඩේ නිකන්ම මාට්‍ටු...

අනේ මේ මට බැ බන් උබලාම කරගනින්... මට කියවුනා..

අනේ මේ දැන් ඔක්කෝම අවුල් නොකර එතනට ගිහින් අපිට පෙට්ටි දෙක තුනක් පාස් කරනවද?? මැර තර්ජනයක්ද මන්දා....

කොහොමහරි ඔය කියපු විදිහටම වැඩේ අවුලක් නැතුව සිද්ද උනා කියමුකෝ... ඇත ප්‍රින්සිපල් එනවා දැකලා පෙට්ටි දෙකත් උස්සන් දුවපු එක ඇරෙන්න... අපි හිතුවේ නම් එහෙම තමා..

වැඩේ ගොඩ කියලා සතුටෙන්

පැය 3 , 4කට පස්සේ කොල්ලෙක් එනවා පන්ති නායක ‍රැස්විමක් තියනවා ඊලග පිරියඩ් එක පටන් ගන්න බෙල් එක ගහනකොට සංගිත කාමරේට එන්න කියලා (සංගිත කාමරේ තමා පොඩි පොඩි දේවල් වලට සම්බන්ද ‍රැස් විම් තිබ්බේ)

කෝ දේව් පන්ති නායක බැච් එක... ගහගෙන ‍රැස්විමට යන්න දැන් බෙල් එක ගහන්න වෙලාවත් ලගයිනේ...

මලා එතකන් මම ඉදලා තියෙන්නේ ඒක නැතුවනේ.... කොහෙද මේ සුප්පා ඕක ගලවගන්න කිවට ගහ ගන්න කිවේ නැනේ...

මාත් ඉතින් ඕක ගැන ගොඩාක් හිතුවේ නැනේ..

මාරම අප්සෙට්  බැච් එක අතුරුදහන්....

‍රැස්විම අතරතුර

මෙච්චර කාලෙකට වෙලා නැති දෙයක් අද වෙලා තියනවා මගේ ඔ‍ෆිස් එකේ... ඒක මොකක්ද කියලා මම දැන් කිය්න්නේ නැ... කරපු අය ගැන දන්නවානම් හරි ඒකට සම්බන්ද අය ඉන්නවානම් පස්සේ ඇවිත් මාව හම්බවෙන්න

මාව ගැහෙන්න ගත්තා.. ඒත් ප්‍රසිද්දියේ නම කියන්න පුලුවන් කම තියනකොටත් නොකිව නිසා හම්බවෙලාම ගුටි කන්න මම හිත හදා ගත්තා...

‍රැස්විම ඉවර වෙලා ඔ‍ෆිස් එකේ..

දේව් මම දන්නවා ඔයා වැරදි කරලා තියනවා ගොඩාක් අඩුයි.. මම දන්න විදිහට මේ වැරද්දකටම අහු වුනාමයි මම හිතන්නේ... මම මේ ‍රැස්විම තිබ්බෙත් කාගේ බැච් එක කාගේද කියලා දැන ගන්න...

කොහොමත් ඉතින් මේකට හේතුවක් තියන්න ඕනානේ.. බලන්න කියමු බලන්න හේතුව..

මේකයි සර් ඇත්තටම වැරද්දක් කියලා මම පිලිගන්නවා.. හැමදාම අපිට එක විස්කොතුවයි දෙකයි... එත් හැමදාම 11 වසරේ අය්යාලා අපිට පෙන්න පෙන්න විස්කොතු 15,20 කනවා.. ඒකයි සර්...

 කොහොම උනත් කරලා තියෙන්නේ ලොකු වැරද්දක්.. එත් පලවෙනි වැරද්ද නිසා සමාව දෙනවා... ආයේ එහෙම වෙන්න බැ.. මොකක් හරි ප්‍රශ්නයක් තියනවානම් ඇවිත් මට හරි ගුරුවරයෙකුට හරි කියන්න.....

අන්තිමේ මේක හින්දා 11 වසර විතරක් ස්කොලේ විස්කොතු බෙදපු එක සතියේ දවස් 5 පන්ති 5කට පැවරුනා... .

බදාගෙන කන්න නෙමේ බෙදාගෙන කන්න..

* රස කතාවක් කිවට පොඩි විකාරයක් වගේ ඒත් මේක හින්දා අපි ඒ කාලේ රස කර කර විස්කොතු නම් කැවා

** මේකට මම සම්බන්ද නැ කිවා නම් අනිවා මාව කොහොමහරි මාවත් මේකට ගාවනවනේ..  චරිත වල  පොඩි පොඩි එඩිට් ඇතුව කතාව ලිව්වා...

 -හින්ට් : ලෝක ගුරු දිනයත් ලග එනවා-