ලංකාවේ ඉගැනුම් පරිසරය හා විභාග ක්‍රමය

එක්සැම් එහෙමත් නැත්නම් විභාගේ.. (අපේ නම් අභාගේ)

දැන් මම මේ අර ඒ/ලෙවල් ගැන නම් නෙමේ ලියන්න යන්නේ.. ඒකට යවපු ලියුමට තාම රිප්ලයි ආවේත් නැහැනේ... අයියෝ මුද්දර ගාස්තු

මම නම් මුලින්ම විභාහගයක් ලිවේ පහ වසරේදිනේ.. ඒක අම්මලාගේ විභාහගයලු..

ඊට පස්සේ ඕලෙවල්- ඒක ගුරුවරුන්ගේලු..

ඊටත් පස්සේ ඉතින් එන ඒලෙවල් - ඒක නම් ඉතින් විභාහගේ ලියන අයගේලු..

ඇත්තටම ලංකාවේ තියෙන්නේ සාර්ථක විභාග ක්‍රමයක්ද?

මම නම් හිතන්නේ කොහොත්ම සාධාරන විභාග ක්‍රමයක් ලංකාවේ නම් නැ..

ලංකාවට විතරක් නෙමේ මේක හැම තැනටම අදාල ඇති...

උදාහරනය විදිහට ඉංග්‍රිසි කියන විෂය ගමුකෝ..

ලංකාවේ ප්‍රධාන නගර වල ප්‍රධාන පාසල් වල වගේ ගොඩාක් හොද ඉංග්‍රිසි ගුරුවරු උන්නත් පහසුකම් අඩු ගම්බද පාසල් වල ඇත්තටම ඉංග්‍රිසි ගුරුවරු ගොඩාක් අඩුයි. උන්නත් ඒ  අය වැඩි කාලයක් ඒ පාසල් වල ‍රැදෙන්නේ නැ..

ඇත්තටම මම මුලින් ඉගන ගත්ත පාසලේත් ඇත්තටම හොදට ඉංග්‍රිසි උගන්වන්න කෙනෙක් උන්නේ නැ,.. සමහර මාස වලම ඉංග්‍රිසි පිරියඩ් එක නිකම් ගෙවන්න තමයි වෙන්නේ ගුරුවරු නැතුව,

ඒත් අපිට උත්තර ලියන්න වෙන්නේ කඩ්ඩ පොලිශ් ගුරුවරු ඉන්න හොදට ඉගන ගන්න පහසුකම් තියන හොද පහසුකම් වලින් ඉගනගත්තු ඒ ලමයි ලියන විභාගම තමයි..

ඉතින් ඒක සාධාරනද?

කවදාවත් ‍රැකියාවකදි ඔයා ඉගන ගෙන තියෙන්නේ මේ වගේ දුෂ්කර පාසලක ඉගනගෙන මෙහෙම ප්‍රතිපල අරගෙන තියෙන්නේ කියලා කියනවාද?

කවදාවත් එහෙම සැලකිමක් නොකර ප්‍රතිපල සහතිකය සංසන්දනය කරන එක තමයි හැමතැනම දකින්න ලැබෙන්නේ,

උදාහරනය විදිහට ඉංග්‍රිසි ගත්තත් අනිත් විශයන් එක්ක බලනකොටත් ඒ දේම වෙනවා..
හැමෝටම එක විදිහේ ඉගැන්නුම් පරිසරයක් ලබලා දෙන්නේ නැතුව ඇයි එකම මිනුම් ක්‍රමයක් (එකම ප්‍රශ්න පත්‍රයක් ) මගින් හැමෝගෙම අනාගතේ තිරනය කරන්නේ..

පලාතෙන් පලාතට නගරයෙන් නගරයට, පාසලෙන් පාසලට තියන විභාග සදහා වෙනම ප්‍රශ්න පත්‍ර හදලා වෙන වෙනම විභාග තියන එක කොහොමවත් කරන්න පුලුවන් වැඩක් නොවන නිසා මම හිතන විදිහට කරන්න පුලුවන් හොදම දේ එකම ගුරුවරයෙක් යටතේ ඉගනුම් පරිසරයක් බිහි කරන එක.

ඒකට හොදම විසදුම මම දකින ව්දිහට නම් ඊ -ලනින්... එහෙමත් නැතනම් අන්තර්ජාලය භාවිතා කරමින් එකම ගුරුවරයෙක් යටතේ ඉගන ගැනිමට සැලස්ව්ම

ඒ කියන්නේ හැම පන්තිකාමරයකටම අන්තර්ජාල පහසුකම් ලබලා දිලා කාල පරිච්චේද වලට වෙන් කරලා අන්තර්ජාලය හරහා එක ගුරුවරයෙක් යටතේ පාඩම් වැඩ කටයුතු වලට පහසුකම් සලසා දිමයි...

පන්තිකාමරය තුල සිසුන්ට පැන නගින ප්‍රශ්න ඒ අන්තර්ජාල ගුරුවරයාට යොමු කරන ගමන්ම පන්තිකාමරය තුල සිටින ගුරුවරයාටද විසදුම් ලබාදිමට හැකි නිසා හැමෝටම එක දැනුමක් ලැබෙන නිසා මම හිතනවා ඒ ක්‍රමය ගොඩාක් දුරට ගැලපෙනවා කියලා

අඩුපාඩු නොමැති ක්‍රමයක් ගැන හිතනවාට වඩා ක්‍රමයක් ක්‍රියාත්මක කරලා ඒ අඩුපාඩු වලට විසදුම් හොයන එකත් සාර්ථකයිනේ..

ජය වේවා..  - මහන්සි වෙලා එක්සැම් කරනවා... සමහර අයට ඒ පේපර් කලින්ම ලැබිලා.. සමහර අය එහෙම පාඩමක් තියනවද කියලා දන්නේත් නැ. හැමෝටම එකම ඉගැනුම් පරිසරයක් තුල ඉගන ගන්න බැරිද කියලා හිතුන නිසා නිකමට හිතුන දෙයක්. දවසක ප්‍රායෝගිකව වෙන්නත් පුලුවන් දෙයක්

ඇත්තටම මේ ක්‍රමය නිසා ජනප්‍රිය පාසල් හොයාගෙන යාමේ ‍රැල්ල නවතිනවා වගේම බොහෝ වියදම් පාලනය කරගන්නත් පුලුවන් වේවි..

@ඇනෝ : එක පාර දැනගත්තත් ඉතින් ඒ තරම් අවුලක් නැ. කැමත්තක්. කොහෙද WC ද?