200ක් ඉවරයි..... තව ඉස්සරහට යනවද?

ගොඩක් වෙලා අරගෙන ගොඩක් දේවල් ගැනලියපු පොස්ට් එක පබ්ලිෂ් කරන්න යනකොටම ඩිලිට් වෙනකොට මොන තරම් ආතල්ද කියලා මේ දැන් අත්වින්ද නිසා ආයේ ඒ ගැන මතක් කරන්න නම් මම කැමති නැ...  200 වෙනි සටහන බ්ලොග් අවකාශයේ ඉතා ලොකු ඉලක්කමක් නොවුනත් මගේ බ්ලොග් ඉතිහාසයේ මට වැදගත් සටහනක්....

2010 මාර්තු මුල මගේ ෆේස්බුක් මිතුරියක් උණු ජිවිතේ මල් එහෙමත් නැත්නම් සංසාරේ අපි ලියන දිල් අක්කා නිසා බ්ලොග් අකුරු කරවපු මම තවත් බොහෝදෙනෙක්ගේ උදව් අවවාද උපදෙස් බැනුම් නරක කමෙන්ට් අතරේ පොස්ට් 200ක දුරක් ඇවිත් ඒ පිලිබදව මම ගොඩාක් සතුටු වෙනවා.... මේ පොස්ට් 200 පුරා මාත් එක්ක උන්නු හැම දෙනෙක්ටම මම ගොඩාක් ස්තුති වන්ත වෙන ගමන් පුලුවන්නම් දිගටම මාත් එක්ක ඉන්න කියලා ඉල්ලනවා...

කලින් පොස්ට් එක නැතිඋන නිසා මේ පොස්ට් එක නම් දිගින් වැඩි වෙන එකක් නැ

මේ පොස්ට් දෙසිය තුලදී... මාව ෆලෝ කරපු පිරිස 409ක් වන්නත් කමන්ට් 6285ක් වෙනත් මගේ පිටු පෙරලපු පිරිස දෙලක්ෂ හතලිස් දහස පසු  කරන්නත් උණු එක ගැන මට ඇතටම ලොකු සතුටක් තියනවා....

මේ පොස්ට් දෙසිය ඇතුලේ මම කරපු දායක වෙන්න ලැබුන හොදම ක්‍රියාව විදිහට අසනීප උණු මදුශානි නංගිව සුව කරගන්න මෙහෙයුම විදිහට මම දකිනවා....

ඒ හැමදෙයක් එක්කම ගොඩාක් හොදයාළුවො ගොඩක් මගේ ජීවිතේට බ්ලොග් එකතු කරලා දුන්නා...

ඉදිරියටත් ඒ හැමෝම එක්ක හොදින් ඉන්න හොද දෙයක් කරන්න බලාපොරොත්තු වෙන ගමන්ම මම 200 වෙනි පොස්ට් එක පුංචි සටහනකින් ඉවර කරනවා..... ---- 201 න මුණ ගැහෙමු....

--- උපුටනය - සයිබර් සැණකෙළි බ්ලොග් අඩවිය 2012 - 11 - 19 ----

පසුගිය වසර මුළුල්ලේ 
Raj, සඳකිඳුරා, යසන්ත, චතුමිතු, ගයාන්, දුෂ්, පොඩිමෑන්, බිම්සර, දේවා, ප්‍රාර්ථනා, හිමහංසි, ජනරඟ, මලිත්, උදිත්, ජිංජිබිරිස්, යැංකි, ප්‍රදීප් සහ දඟයා 
කියන සංවිධායක මණ්ඩලයේ සාමාජිකයින් දැක්වූ දායකත්වයත්, 2011 වසරේ සංවිධායක මණ්ඩලයෙන් ලැබුණු මගපෙන්වීම් හා බස්රේඩියෝ, සියළුම සින්ඩිකේටර්ස්, ශ්‍රී ලංකා ටෙලිකොම් ආදි ආයතන හා සංවිධාන දැක්වූ සහයෝගයත්, විශේෂයෙන්ම ලොව පුරා විවිධ ස්ථාන වල සිට විවිධ ආකාරයෙන් සහයෝගය දැක්වූ සියළුම බ්ලොග්කරුවන්ගේ උනන්දුවත් නොවන්නට අපට මෙතෙක් ආ මග එන්නට නොහැකි වන්නට තිබුනා.

ඒ සියළු දෙනාට බ්ලොග් අවකාශයේ මිතුරෝ ගෞරවණිය ස්තුතිය පල කරන අතර මේ විවෘත කරන්නේ දයාබර ඔබගේ අවස්ථාවයි.

පසුගිය දෙවසර තුල ලැබූ අත්දැකීම් ඔස්සේ ඉදිරියට යමින් සිංහල බ්ලොග්කරුවන් අතර සහෝදරත්වය වර්ධනය කරන්නටත් ඉදිරි වසරේ නවමු වැඩසටහන් සංවිධානය කරමින් පවත්වන්නටත් ඔබට හැකිනම් අප සොයන්නේ ඔබයි.

සංවිධායක මණ්ඩලයේ සාමාජිකයෙක්/ සාමාජිකාවක් ලෙස 2013 වර්ෂය පුරා බ්ලොග් අවකාශයේ මිතුරෝ මෙහෙයවන්නට, ඒ වෙනුවෙන් දායක වන්නට ඔබ කැමතිනම් නොවැම්බර් මස 30 වන දිනට පෙර මේ පෝරමය පුරවා ඔබේ කැමැත්ත පල කරන්න. මේ අවස්ථාව ඔබේ හෙට දවස වෙනස් කරන අවස්ථාවක් නොවේ යැයි කිවහැක්කේ කාටද?




----- උපුටන අවසන් ----

අද අවසන් දිනය කියලා තියන නිසා ඉක්මනින් ඔබේ හැකියාවන් පෙන්වන්න අවස්ථාවක් ලබා ගන්න්න

එහෙමනම් ආයේ හමු වෙමු 201