නිල් අහසට ගොඩාක් ආදරේ කරන නිසා..

නිල් අහස ගොඩාක් ලස්සනයි.... - සුදු වලාකුළු වලට තවත් ලස්සනයි
වහින්න එනකොට අහසම අදුරුයි - ගොරවන්නේ තරහෙන් වගෙයි

ඒත්.... වහින්නේ නැති වෙලාවට පුදුම නිස්කලංකයි...
‍රැට තරු පිරිච්ච අහස දිහා කොච්චර බලන් හිටියත් එපා වෙන්නේ නැ...

ඒත්.. ඒ අහස දකින්නේ අමාවක දවසට අහසේ කොනකවත් නැති සද මිසක්.
හැමදාමත් අහසේ ඉන්න පුංචි තරුව අහස ලස්සන කරන හැටි නම් නෙවෙයි

රෑට සද තරම් නැති උනත් අහස ලස්සන කරන්න පුංචි තරුව වෙහෙසන තරම්...
ඒක අහසට නොතේරෙනවත් නෙවෙයි...

ඒත් අහසට සද තියනකොට අහිසක පුංචි තරුව මතක් වෙන්නේවත් නැ..

ඒත් කවදාවත් ඒ පුංචි තරුව අහස එක්ක තරහ වෙන්නේ නැ- අහස තනි කරන්නෙවත් නැ

අමාවක දවසටත් එයාගේ පුන්චි එලියෙන් අහස ගොඩාක් ලස්සන කරනවා..

ඒ පුංචි තරුව නිල් අහසට ගොඩාක් ආදරේ කරන නිසා..

ප.ලි : ජිවිතේ අපි සමහර වෙලාවට අපිට වැදගත් කියලා නොහිතෙන පුංචි දෙවල් අපි ගනන් නොගෙන අමතක කරලා දානවා.. ගනන් නොගෙන ඉන්නවා.. ඒත් ඒකේ වටිනාකම අමාවක වගේ ජිවිතේ හිස් උනහම අපිට ගොඩාක් තදින් දැනෙනවා.. ඒත් අපි ඒ දේවල් තේරුම් ගන්න කොට සමහර දේවල් වලට අපි ලොකු අසාධාරනයක් කරලා... ජිවිතේ සමහර පුංචි දේවලුත් ලොකු වැදගත් කමක් තියනවා කියලා හිතලා ජිවත් වෙනකොට ඇත්තටම ජිවිතේ ලස්සන වේවි..


ප.ප.ලි :  කලින් මංගල දැන්විම් පොස්ට් එක සිරියස් කියලා හිතපු ඒකත් අයට ආයෙමත් කියනවා ඒක නිකමට දාපු එකක් විතරමයි.. පබ්ලිශ් නොකරපු ඇනෝ එය තාමත් එහෙමයි

ප.ප.ලි : අපෙන් සමු අරන් ගිය ඔබා මාමේ ඔයාට නිවන් සුව.. කොහොම විශ්වාස කරන්නද එදා පාන්දරත් බ්ලොග් එකට කමෙන්ට් කරලා තියනකොට මෙහෙම දෙයක් වෙලා කියලා