සත් ගුණවත් නව අවුරුද්දක්‌ සැමටම

අමුතුවෙන් ඉතින් හැමෝටම මතක් කරන්න ඕනේ නැනේ අද කවදද කියලා.... පොඩි කාලේ ආසාවෙන් බලා උන්නු... තාමත් ලොකු පොඩ්ඩෝ උනත් පර්ස් එකට ටිකක් තදින් දැනුනත් කොහොම හරි සමරන අලුත් අවුරුද්ද තව හෝරා කිහිපයකින් උදා වෙනවා...

ඔන්න නැකත් එහෙම අමතක අයට මෙන්න දැන් හරි ඉතින් බලා ගන්නකෝ...

ලොකේ කොහෙවත් මෙහෙම රටක් එකම වෙලාවට මෙහෙම වැඩක් කරන්නේ නැතුව ඇති එකම වෙලාවකට..

අපි ඒ ගැන ආඩම්බර වෙන්න ඕනා..

සිංහල අලුත් අවුරුදු නැකත් චාරිත්‍ර

අලුත් අවුරුදු උදාව:

අප්‍රේල් 13 සිකුරාදා අපර භාග 07.20ට

පුණ්‍ය කාලය:

අප්‍රේල් මස 13 වන සිකුරාදා අපර භාග 12.56 සිට 14 වැනි සෙනසුරාදා පූර්ව භාග 01.44 දක්වා

ආහාර පිසීම:

අපේ‍්‍රල් 13 සිකුරාදා අපර භාග 07.42 ට

වැඩ ඇල්ලීම, ගනුදෙනු කිරීම හා ආහාර අනුභවය:

13 වන සිකුරාදා අපර භාග 10.28 ට

හිස තෙල් ගෑම:

15 වන ඉරිදා පූර්ව භාග 07.08 ට

රැකී රක්ෂා සඳහා පිටත්ව යෑම:

අප්‍රේල් මස 18 බදාදා පූර්ව භාග 06.22 ට

එහෙමනම් ඉතින් ආයේ අපි අලුත් අවුරුද්දේම මුන ගැහෙමු... එතෙක් බ්ලොග් ලියන කියවන ඔබ සැමට උදාවන්නාවු අලුත් අවුරුද්ද වාසනාවන්ත සියලු පැතුම් ඉ‍ටුවන සුභම සුභ අලුත් අවුරුද්දක්ම  වේවා කියලා  දේව්ගේ අඩවිය වෙනුවෙන් දේව් සුභ පතනවා..

 

 සිත් පැහැපත් වන අවුරුද්දක්‌
මෙත් සුවපත් වන අවුරුද්දක්‌
සෙත් සිරිඅත් වන අවුරුද්දක්‌
සත් ගුණවත් නව අවුරුද්දක්‌
 

නිසි කල වැසි ලැබ යල මහ දෙකටම
කෙත් වතු සරුවන අවුරුද්දක්‌.

හැම පැල්පතකම හැම වෙලකටම
ලිප ගිනි මොලවන අවුරුද්දක්‌